وحيد محسن
وحيد محسن
وحيد محسن: شاعر ۽ ڪھاڻيڪار وحيد محسن ولد عبدالقادر سومرو پھرين ڊسمبر 1968ع تي رستم شھر، تعلقي لکي ضلعي شڪارپور ۾ جنم ورتو. ابتدائي، ثانوي ۽ اعليٰ ثانوي تعليم رستم ۽ شڪارپور مان حاصل ڪئي. جڏهن ته بي. ايس. سي (1992ع) ڊگري ڪاليج شڪارپور مان، بي. ايڊ (1996ع) علامه اقبال اوپن يونيورسٽي اسلام آباد ۽ ايم. اي (سنڌي ادب) 2004ع ۾ شاهه عبداللطيف يونيورسٽي خيرپور مان ڪئي. سندس شاعري ۽ ڪھاڻيون مختلف اخبارن ۽ رسالن: ‘ڪاوش’، ‘سوڀ’، ‘هلچل’، ‘سنڌ ايڪسپريس’، ‘عبرت مئگزين’ ۽ ٽه ماهي ‘مھراڻ’ ۾ شايع ٿينديون رهيون آهن. شاعريءَ ۾ غزل، گيت، وائي، ڪافي ۽ ٽيڙو تي طبع آزمائي ڪئي آهي. ان کان علاوه سنڌي ادبي سنگت شاخ شڪارپور جو سيڪريٽري، انجمن ترقي پسند مصنفين شڪارپور جو صدر ۽ مختلف ادبي ۽ سماجي تنظيمن جو ميمبر پڻ رهي چڪو آهي. ٻاراڻين ڪھاڻين تي مشتمل سندس ڪتاب ‘برائي جو بدلو’ (2003ع) ڇپيل آهي. ادبي خدمتن عيوض کيس مختلف اوارڊ پڻ ملي چڪا آهن.
لفظ وحيد محسنھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1968.12.01 عيسوي
وحيد محسن ولد عبدالقادر سومرو پھرين ڊسمبر 1968ع تي رستم شھر، تعلقي لکي ضلعي شڪارپور ۾ جنم ورتو.
شخصيتون - ڀاڱي جون ٻِيون داخلائون
مير محمد نورنگي جاگيراڻيچانڊيو مير محمد خان
پير ضياءُ الدين شاهه راشدي
ٿانور ڀٽي
ضيا سرحدي
بنده علي خان ٽالپر
خواجه عبدالله جان عرف شاهه آغا
روچيرام گجو مل
بيگم مريم حاتم بدرالدين طيب جي
حسينا واجد شيخ